இரண்டு Ontario தொகுதிகளில் நடைபெற்ற இடைத்தேர்தலில் Progressive Conservative கட்சி வெற்றி பெற்றது.
Milton, Lambton-Kent-Middlesex தொகுதிகளில் வியாழக்கிழமை (02) இந்த இடைத்தேர்தல் நடைபெற்றது.
இதில் Milton தொகுதியில் Progressive Conservative கட்சியின் வேட்பாளர் Zee Hamid, Lambton-Kent-Middlesex தொகுதியில் Progressive Conservative கட்சியின் வேட்பாளர் Steve Pinsonneault வெற்றி பெற்றனர்.
Conservative கட்சிக்காக பொது தேர்தலில் போட்டியிடுவதற்காக கடந்த February மாதம் அமைச்சர் Parm Gill தனது மாகாணசபை உறுப்பினர் பதவியில் இருந்து விலகினார்.
![](https://thesiyamnation.com/storage/2024/05/Steve-Pinsonneault-300x225.webp)
![](https://thesiyamnation.com/storage/2024/05/Zee-Hamid.jpeg)
அதேவேளை முன்னாள் Progressive Conservative அமைச்சர் Monte McNaughton பதவி விலகியதை அடுத்து Lambton-Kent-Middlesex தொகுதி வெற்றிடமானது.
Liberal கட்சி புதிய தலைமையின் கீழ் எதிர்கொண்ட முதலாவது இடைத் தேர்தல் இதுவாகும்.
Bonnie Crombie கடந்த December மாதம் Liberal கட்சியின் தலைமை பதவியை வெற்றி பெற்றிருந்தார்.
முன்னாள் Mississauga நகர முதல்வரான அவர், Milton இடைத் தேர்தலில் போட்டியிடுவது குறித்து ஆலோசித்து வந்தார்.
ஆனாலும் இறுதியில் அவர் இந்த இடைத் தேர்தலில் போட்டியிடவில்லை.