Liberal கட்சியின் தலைமை பதவியை வெற்றி கொள்வதன் மூலம் கனடாவின் புதிய பிரதமராக தான் தெரிவு செய்யப்பட்டால், Mark Carneyக்கு நிதி அமைச்சர் பதவியை வழங்குவேன் என Chrystia Freeland தெரிவித்தார்.
Liberal கட்சியின் தலைமைப் பதவியில் இருந்தும், பிரதமர் பதவியில் இருந்தும் விலகுவதாக Justin Trudeau அறிவித்த நிலையில் புதிய பிரதமருக்கான தேடல் ஆரம்பித்துள்ளது.
இந்த போட்டியில் Mark Carney, Chrystia Freeland, Karina Gould, Frank Baylis ஆகியோர் உள்ளனர்.
March 9 அறிவிக்கப்படவுள்ள வெற்றியாளர், Justin Trudeauவுக்கு பதிலாக Liberal கட்சியின் தலைவராகவும் பிரதமராகவும் பதவி ஏற்பார்.
இந்த நிலையில் Liberal தலைமை வேட்பாளர் Chrystia Freeland, தான் தேர்தலில் வெற்றி பெற்று பிரதமரானால், சக போட்டியாளர் Mark Carneyயை தனது நிதியமைச்சராக பணியாற்ற அழைப்பேன் என கூறினார்.
ஞாயிற்றுக்கிழமை (09) தேர்தலில் வெற்றி பெற்றதும், எனது அரசாங்கத்தில் நிதியமைச்சராக பணியாற்ற Mark Carneyயை அழைப்பேன் என Chrystia Freeland கூறினார்.
இன்றைய நிலையில் நாடாளுமன்றத்தில் உறுப்பினராக உள்ள ஒருவர் பிரதமராவது எமது தேவை என Chrystia Freeland தெரிவித்தார்.
அமெரிக்காவின் வரிவிதிப்பை எதிர்த்துப் போராடுவதற்கு அரசியல் சட்டபூர்வமான தன்மையை கொண்ட ஒரு அரசாங்கத்தை வழி நடத்த அனுபவம் கொண்ட ஒருவர் இன்றைய தேவை எனவும் அவர் கூறினார்.
கடந்த வாரம், சக தலைமை வேட்பாளரும் அமைச்சருமான Karina Gould இதே போன்ற ஒரு கருத்தை தெரிவித்திருந்தார்.
Mark Carney, Chrystia Freeland, Frank Baylis ஆகியோருக்கு தனது அரசில் இடம் இருக்கும் என அவர் கூறியிருந்தார்.
பொருளாதாரத்திற்கு Mark Carney, வெளியுறவு விவகாரங்களுக்கு Chrystia Freeland, சுகாதார விவகாரங்களுக்கு Frank Baylis ஆகியோர் தேவை என தெரிவித்தார்.
கனடாவின் புதிய பிரதமர் எதிர்வரும் ஞாயிற்றுக்கிழமை தேர்வாகிறார்.
