இஸ்ரேலில் காணாமல் போன கனடியர்களின் எண்ணிக்கை நான்கு என கனடிய மத்திய அரசாங்கம் தெரிவித்துள்ளது.
அவர்களின் அடையாளத்தை அரசாங்கம் உறுதிப்படுத்தவில்லை.
ஆனால் 70 வயதான Judih Weinstein Haggai, 22 வயதான Shir Georgy, Tifferet Lapidot, 74 வயதான Vivian Silver ஆகிய கனடியர்கள் இஸ்ரேலில் காணாமல் போயுள்ளதாக குடும்பத்தினர் தெரிவித்தனர்.
கடந்த வார இறுதியில் ஹமாஸ் போராளிகளால் முன்னெடுக்கப்பட்ட தாக்குதலை தொடர்ந்து அவர்கள் காணாமல் போயுள்ளனர்
இஸ்ரேலில் கடந்த சனிக்கிழமை நடந்த தாக்குதல்களின் போது இவர்கள் ஹமாஸ் போராளிகளால் பிணைக் கைதியாக சிறை பிடிக்கப்பட்டிருக்கலாம் என அச்சம் தெரிவிக்கப்படுகிறது
இதுவரை, இஸ்ரேலில் மூன்று கனேடியர்களின் மரணத்தை கனடிய அரசாங்கம் உறுதிப்படுத்தியுள்ளது.
ஆனால் காணாமல் போன நான்கு கனேடியர்கள் ஹமாஸால் பிணைக் கைதியாக சிறை பிடிக்கப்பட்டுள்ளனரா என்பது குறித்து கனடிய அரசாங்கம் உறுதிப்படுத்தவில்லை.
இஸ்ரேலில் பலியான கனடியர்கள் Ottawa நகரை சேர்ந்த 33 வயதான Adi Vital-Kaploun, Montreal நகரை சேர்ந்த 33 வயதான Alexandre Look, Vancouver நகரை சேர்ந்த 24 வயதான Ben Mizrachi என குடும்பத்தினர் உறுதிப்படுத்தினர்.
