மாகாண, பிராந்திய முதல்வர்களிடம் $196 பில்லியன் சுகாதார பராமரிப்பு நிதியுதவி திட்டத்தை பிரதமர் Justin Trudeau முன்வைத்தார்.
இந்த திட்டத்தில் $46 பில்லியன் புதிய நிதி உதவியும் அடங்குகிறது.
சுகாதாரப் பாதுகாப்பு நிதியுதவி ஒப்பந்தங்கள் குறித்த கலந்துரையாடலுக்கு மாகாண, பிராந்திய முதல்வர்கள் செவ்வாய்க்கிழமை (07) பிரதமர் Trudeauவை சந்தித்தனர்.
இந்த சந்திப்பில் மாகாணங்கள், பிரதேசங்களுக்கு சுகாதார நிதியுதவியை அடுத்த 10 ஆண்டுகளில் $196.1 பில்லியனாக அதிகரிக்க மத்திய அரசு உறுதியளித்துள்ளது.
கனடாவின் சிதைந்து வரும் சுகாதாரப் பாதுகாப்புக்கு $46.2 பில்லியன் புதிய நிதியுதவியுடன் இந்த ஒப்பந்தம் முன்வைக்கப்பட்டது.
பிரதமர் தலைமையிலான அமைச்சர்கள் மாகாண, பிராந்திய முதல்வர்களிடம் இந்த முன்மொழிவை வழங்க இரண்டு மணிநேர கலந்துரையாடலை முன்னெடுத்தனர்.
