கனடாவில் Novavaxசின் COVID தடுப்பூசியை தயாரிக்க ஒப்பந்தம் ஒன்று எட்டப்பட்டுள்ளதாக பிரதமர் Justin Trudeau இன்று (செவ்வாய்) அறிவித்தார்.
Montrealலில் கட்டுமானத்தில் உள்ள ஒரு தொழிலகத்தில் மில்லியன் கணக்கான தடுப்பூசிகளை தயாரிக்கும் திட்டத்தை பிரதமர் Trudeau வெளியிட்டார். இது குறித்த ஒரு புரிந்துணர்வு ஒப்பந்தத்தில் Novavax உடன் கையெழுத்திட்டுள்ளதாகவும் பிரதமர் கூறினார்.
ஆனால் இந்த தயாரிப்பு இலைதுளிர் காலம் வரை ஆரம்பமாகாது என கூறப்படுகின்றது. இதற்கான உற்பத்திக்கு Health கனடா அனுமதி வழங்குவதற்கு சில மாதங்கள் எடுக்கும் என கண்டுபிடிப்பு, அறிவியல் மற்றும் கைத்தொழில் அமைச்சர் Francois-Philippe Champagne கூறினார்.
