கனடாவுக்கு COVID தடுப்பூசிகளை வழங்குவதற்கு இந்தியா தன்னால் முடிந்த அனைத்தையும் செய்யும் என இந்திய பிரதமர் உறுதியளித்துள்ளார்.
இன்று (புதன்) கனடிய பிரதமர் Justin Trudeauவும் இந்திய பிரதமர் நரேந்திர மோடியும் தொலைபசியில் உரையாடினார்கள். இன்றைய உரையாடலில் இரு நாடுகளின் தடுப்பூசி வழங்கள் குறித்தும் தடுப்பூசியின் சர்வதேச விநியோக ஒருங்கிணைப்பு தேவையின் அவசியம் குறித்தும் இரு தலைவர்களும் உரையாடினர். இந்தியாவில் தயாரிக்கப்படும் COVID தடுப்பூசிகளை கனடா பெறும் வாய்ப்புகள் குறித்த எதிர்பார்ப்புக்கு மத்தியில் இன்றைய உரையாடல் இடம்பெற்றது
Health கனடாவினால் மதிப்பாய்வின் இறுதி கட்டங்களில் உள்ள Astra Zeneca தடுப்பூசிகளை உற்பத்தி செய்ய இந்தியாவின் Serum நிறுவனம் ஒப்பந்தம் செய்துள்ளது இங்கு குறிப்பிடத்தக்கது. இந்த மாதத்தில் AstraZenecaவின் தடுப்பூசியை ஏற்றுமதி செய்ய இந்திய அரசாங்கத்தால் அனுமதிக்கப்பட்ட 25 நாடுகளில் கனடா இல்லை என்பதும் குறிப்பிடத்தக்கது
