அமெரிக்காவுக்கு பயணம் மேற்கொள்ளும் LGBTQ2S+ சமூகத்திற்கான பயண எச்சரிக்கையை கனடிய வெளிவிவகார அமைச்சு வெளியிடுகிறது.
கனடா தனது சர்வதேச பயண எச்சரிக்கையை செவ்வாய்க்கிழமை (29) புதுப்பித்துள்ளது.
LGBTQ+ சமூகத்தின் உறுப்பினர்கள் அமெரிக்காவில் சில இடங்களுக்கு சென்றால் அவர்கள் பாகுபாடுகளை சந்திக்க நேரிடும் என எச்சரிக்கப்படுகிறது.
18 அமெரிக்க மாநிலங்கள் LGBTQ+ சமூகத்திற்கு எதிரான சட்டங்களை இயற்றிய நிலையில் இந்த எச்சரிக்கை வெளியிடப்பட்டது.
அமெரிக்காவின் சில மாநிலங்கள் LGBTQ+ சமூகத்திற்கு எதிரான சட்டங்களையும் கொள்கைகளையும் இயற்றியுள்ளதாக கனடிய வெளிவிவகார அமைச்சு செவ்வாயன்று கூறுகிறது.
இதனால் அமெரிக்காவுக்கான பயண எச்சரிக்கையை மாற்றுவதாக கனடிய வெளிவிவகார அமைச்சு கூறுகிறது.
LGBTQ+ சமூகத்திற்கு எதிரான வன்முறை அச்சுறுத்தல்கள் தீவிரமாகி வருவதாக அமெரிக்க உள்நாட்டுப் பாதுகாப்பு துறை கடந்த May மாதம் எச்சரித்தது.
